កិច្ចប្រជុំគ​ណៈកម្មាធិការត​ម្រង់ទិសលើកទី៣ ដើម្បីត្រួតពិនិត្យវឌ្ឍន​ភាព និងសមិទ្ធផលរយៈពេល៦​ខែ របស់គម្រោងលើ​កកម្ពស់ជីវភាពប្រជា​ជនក្រីក្រ
ចេញ​ផ្សាយ​ដោយ admin-appdnews
ថ្ងៃទី 31  ខែJuly ឆ្នាំ2020
ម៉ោង 10:51
Please follow and like us:

ខេត្តសៀមរាប៖ក្នុងកិច្ចប្រជុំគណៈ​កម្មាធិការតម្រង់ទិសលើកទី៣ ដើម្បីត្រួតពិនិត្យវឌ្ឍន​ភាព និងស​មទ្ធិ​ផ​លរបស់គម្រោង ដែលបានអនុវត្តក្នុងរ​យៈពេល៦ខែ នៅថ្ងៃទី៣១ ខែកក្កដា ឆ្នាំ២០២០ ឯក​ឧត្ត​ម ងី ច័ន្ទ្រផល រដ្ឋលេខាធិការក្រសួងមហាផ្ទៃ

និងជាប្រធានសម្របសម្រួលគម្រោង និងជាប្រ​ធាន​គណៈកម្មាធិ​ការតម្រង់ទិស បានលើកឡើងថា ដោយស្ថានភាពកូវីដ១៩ បានធ្វើឱ្យគម្រោង​របស់​យើង​មានភាពយឺតយ៉ាវបន្តិច តែទោះជាយ៉ាងណា យើងក៏សម្រេចបា​ននូវសមទ្ធិផលជាច្រើន ​ដែល​ជាផែន​ការរបស់គម្រោងដូចជា ​ក្រុមសន្សំ ក្រុមផលិត ការអភិវឌ្ឍន៍ជំ​នាញ និងហេដ្ឋារចនាសម្ព័ន្ធ ព្រម​ទាំងប្រព័ន្ធ​ធារាសាស្ត្រ​ដែលយើងអនុវត្តបានយ៉ាងល្អប្រសើរ ​ស្របទៅតាមការណែនាំ​របស់​ក្រុមប​ច្ចេកទេសគម្រោងលាភ ជាពិសេសអាចលើ​កស្ទួយដល់ជីវភាព​គ្រួសាររបស់ខ្លួន​កាន់តែប្រសើ​រឡើងថែមទៀត។

ក្នុងនោះបានថ្លែងអំណរគុណដល់​ក្រុមការងារពាក់ព័ន្ធទាំងអស់ ​ដែលបានយកចិត្តទុកដាក់ ​ក្នុងការ​អនុ​វត្តគ​ម្រោងក្នុងរយៈ​ពេល៦ខែកន្លងមក ដោយទទួលបាននូវសមទ្ធិផលជាច្រើននៅតាមក្រុង ស្រុក ឃុំ សង្កាត់ដែលជាគោល​ដៅរបស់គម្រោងលាភ។ជាមួយគ្នានោះដែរ ឯកឧត្តមបាន​ស្នើដល់​ក្រុមការ​ងារគម្រោងទាំងអ​ស់ត្រូវយកចិត្តទុកដាក់ខ្ពស់ ចំពោះការលើកឡើង នូវបញ្ហាប្រឈម​របស់​ប្រជាពលរដ្ឋ ដែលជាសមាជិករបស់គម្រោង ដើម្បីយកម​កដោះស្រាយជូនពួកគាត់ ពិសេសក្រម​ការងារក្រុង ស្រុក ឃុំ សង្កាត់ត្រូវកំណត់អត្ត​សញ្ញាណក្រីក្រឱ្យបានច្បាស់លាស់។

ក្រោយពីកា​រធ្វើបទបង្ហាញ​ស្តីពីសមទ្ធិផល និងបញ្ហាប្រឈ​មដែលបានអនុវត្ត៦ខែ ដោយលោក ហេង សុផាត ប្រធានគ្រប់គ្រង​គម្រោងថ្នាក់ជាតិរួចមក អង្គប្រជុំបា​នធ្វើការ​ពិភាក្សាគ្នាយ៉ាងផុលផុស ដើម្បីរ​កចំណុចខ្លាំង និងចំណុចខ្សោយក្នុង​ការរកដំណោះស្រាយ លើបញ្ហាប្រឈម​ដែលក្រុមការ​ងារបាន​អនុវត្តកន្លងមក ហើយកែប្រែបញ្ហា​ទាំងនោះ​ទៅជាទិស​ដៅដើម្បី​អនុវត្តឱ្យ​ទៅជាចំណុចខ្លាំងវិញ។

ទន្ទឹមនឹងនោះឯកឧត្តម ក៏បានសង្កត់ធ្ងន់ ដោយផ្តោតសំខាន់លើការរកទីផ្សារដល់ក្រុមផលិត ជៀសវាងគាត់​ផលិតបានហើ​យរកទីផ្សារពុំបាន។ម្យ៉ាងទៀត យើងត្រូវពង្រីកទីផ្សារ​បន្លែសុវត្ថិភាព​ឱ្យបានបានច្រើន​កន្លែង ដើម្បីបងប្អូនងាយស្រួលក្នុង​ការទិញនិងលក់ផងដែរ៕

 

Please follow and like us: